Tag: Perezida Kagame

Paul Kagame, Perezida wa Repubulika y’u Rwanda kuri uyu wa Gatandatu yakiriye mu biro bye Lt. Gen Muhoozi Kainerugaba akaba umuhungu wa Perezida wa UgandaYoweri Museveni n’umugaba mukuru w’ingabo zirwanira ku butaka, baganira ku mubano w’u Rwanda na Uganda, ibiganiro byabo ngo bikaba byagenze neza ndetse benshi babitezeho kubona umubano w’ibihugu byombi wongera kuba mwiza. Kuri uyu wa Gatandatu, tariki 22 Mutarama 2022, ku gicamunsi nibwo Lt. Gen Muhoozi Kainerugaba, umujyanama wa Perezida wa Uganda mu bijyanye n’ibikorwa by’ingabo zirwanira ku butaka yakiriwe muri Village Urugwiro. Nk’uko byatangajwe n’ibiro by’umukuru w’Igihugu cy’u Rwanda, Village Urugwiro, Lt. Gen Muhoozi yakiriwe na Perezida Paul Kagame aho baganiriye ku mubano hagati y’ibihugu byombi. Village Urugwiro ya

Kuri uyu wa Mbere taliki ta 17 Mutarama 2022, Perezida wa Repubulika y’u Rwanda Paul Kagame, yakiriye Ambasaderi wa Uganda mu Muryango w’Abibumbye Adonia Ayebare, wamushyikirije ubutumwa bwa Perezida wa Uganda Yoweri Kaguta Museveni. Ni mu gihe hakomeje kunugwanugwa ko mu bihe bya vuba hagiye gusubukurwa ibiganiro byo kuzahura umubano hagati y’u Rwanda na Uganda wajemo kidobya guhera mu mwaka wa 2017. Amb Adonia Ayebare yashimiye Perezida Kagame wamwakiranye urugwiro ariga ati: “Wakoze Perezida Paul Kagame ku bwo kunyakirana urugwiro muri Village Urugwiro ubwo nazaga kugushyikiriza ubutumwa budasanzwe bwa Perezida Yoweri Kaguta Museveni.” Kuva mu myaka itatu ishize ibiganiro byakozwe hagati ya Leta y’u Rwanda n’iya Uganda ntibyigeze bitanga umusaruro, muri iki kiganiro n’abany

Perezida wa Repubulika ya Mozambique Filipe Jacinto Nyusi, yongeye gushima Perezida wa Repubulika y’u Rwanda Paul Kagame n’Abanyarwanda muri rusange, bemeye gutanga abahungu n’abakobwa babo ngo batabare Intara ya Cabo Delgado yari yibasiwe n’ibyihebe mu gihe gisaga imyaka ine, yemeza ko ubwitange bwabo butazibagirana. Ku wa Gatatu taliki ya 29 Ukuboza 2021, ni bwo Perezida Filipe Nyusi yasuye Inzego z’umutekano z’u Rwanda, iza Mozambique n’iz’ Umuryango w’Ubukungu bw’Ibihugu byo muri Afurika y’Amajyepfo (SAMIM) mu Karere ka Mueda ko mu Ntara ya Cabo Delgado. Akihagera yakiriwe ku kibuga cy’indege cya Mueda na Brig Gen Vidigal uyoboye by’agateganyo inzego z’umutekano z’igihugu cya Mozambique (FADM) muri ubu butumwa, ari na we wamusobanuriye uko ibikorwa byo guhashya iterabwoba bir

Mu butumwa Perezida Paul Kagame yageneye abitabiriye inteko rusange ya 19 y’Ishami ry’Umuryango w’Abibumbye rishinzwe iterambere ry’inganda-UNIDO, yavuze ko umutungo mwinshi Afurika ifite, utuma abayituye hari inyungu zitari nke bawuvanamo, ariko igikenewe cyane kurusha ibindi, ari uko ubwo butunzi buvamo ibisubizo bifatika kandi by’ingirakamaro ku baturage. Perezida Kagame yasobanuye ko mbere ya byose ibi bivuze gushora imari mu bantu no mu bumenyi buteza imbere inganda. Ubu butumwa abutanze mu gihe kuva kuri uyu wa Mbere tariki ya 29 Ugushyingo kuzageza tariki ya 3 mu kwezi gutaha, i Vienne muri Autriche hakoraniye inteko rusange ya 19 ya UNIDO, ariryo shami rya LONI ryita ku iterambere ry’inganda. Ni inteko yitabiriwe mu buryo bubiri kubera kwirinda icyorezo cya Covid-19.

Kuri uyu wa Mbere, Minisitiri w’Intebe wa Ethiopia, Abiy Ahmed yasoje uruzinduko rw’akazi yarimo mu Rwanda kuva kuri iki Cyumweru. Ku kibuga cy’indege mpuzamahanga cya Kigali, Dr Abiy Ahmed yaherekejwe na Minisitiri w’Ububanyi n’Amahanga n’ubutwererane, Dr Vincent Biruta. Muri uru ruzinduko, Minisitiri w’Intebe wa Ethiopia yagiranye ibiganiro na Perezida Paul Kagame waraye amwakiriye mu biro bye muri Village Urugwiro. Nyuma y’ibi biganiro, Dr Abiy Ahmed abinyujije ku rukuta rwe rwa Twitter yashimiye Perezida Kagame uburyo we n’intumwa yari ayoboye bakiriwe neza, anatangaza ko bagiranye ibiganiro byiza byibanze ku bufatanye bw’ibihugu by’u Rwanda na Ethiopia, ndetse no ku bibazo byo mu karere bireba ibihugu byombi. Umubano w’u Rwanda na Ethiopia wageze ku yindi ntera nyuma y

Perezida wa Repubulika Paul Kagame yavuze ko urugamba rwo kwibohora rwari ngombwa kuko Abanyarwanda n’ikiremwa muntu muri rusange bari banyotewe ubumwe n’ubutabera. Ibi Umukuru w’Igihugu yabitangaje kuri uyu wa Kane tariki ya 4 Nyakanga 2019,mu ijambo yagejeje ku bitabiriye ibirori by’umunsi mukuru wo kwibohora ku nshuro ya 25 wabereye kuri Sitade Amahoro i Remera ku rwego rw’igihugu. Mbere y’urugamba rwo kubohora igihugu, ubumwe mu banyarwanda bwari bwarabuze aho abanyarwanda babanaga bishishinya kubera ubuyobozi bwari bwarababibyemo amacakubiri. Perezida Kagame yabajije niba hari ubwo Abanyarwanda babayeho bunze ubumwe,avuga ko niba ibi bitarabayeho ariyo mpamvu inyungu y’urugamba rwo kwibohora yabaye ubumwe mu banyarwanda bwari bwarabaye ingume. Perezida Kagame yagize at

Perezida w’u Rwanda, Paul Kagame yahagaze mu Mujyi w’Akarere ka Musanze asuhuza abaturage, bikaba byari ubugira gatatu mu bihe bitandukanye. Ubwo Perezida Kagame yari avuye gusura abaturage  b’Akarere ka Burera kuri uyu wa Gatatu yahagaze mu mujyi wa Musanze asuhuza abaturage. Iki gikorwa yaherukaga kugikora muri uyu mujyi tariki ya 4 Nyakanga 2017 ubwo yari avuye mu Karere ka Nyabihu ahizihirijwe umunsi wo kwibohora. Perezida Kagame muri 2016 nabwo yahagaze mu Karere ka Musanze asuhuza abaturage tariki 24 Werurwe 2016 ubwo yari mu ruzinduko rw’iminsi itatu mu Ntara y’Iburengerazuba. Muri 2015 nabwo Umukuru w’Igihugu yagaragaye yavuye mu modoka agenda n’amaguru asuhuza abaturage benshi bari i Nyabugogo ubwo yavaga i Gicumbi ku munsi wo Kwibohora nk’uko ikinyamakuru ukwe

Perezida wa Repubulika y’u Rwanda Paul Kagame kuri uyu wa Gatandatu tariki ya 20 Mata 2019, yahaye ikaze abitabiriye isengesho ry’iminsi icyenda ‘Ram Katha 2019’, avuga ko ari iby’igiciro kuba barahisemo u Rwanda. Aba banyamwuka baturuka mu Buhinde, barongojwe imbere n’umuyobozi mu byumwuka Morari Bapu, bakaba babanje kunamira abazize Jenoside yakorewe Abatutsi baruhukiye mu rwibutso rwa Kigali ku Gisozi. Perezida Kagame yagize ati “Ni icyubahiro kuri twe nk’u Rwanda kwakira iri sengesho. Murakaza neza murisanga kandi isengesho rizatange umusaruro uhambaye kurusha ikindi gihe.” Yashimiye kandi Morari Bapu agira ati “Ndashimira kandi umushyitsi wacu udasanzwe Bapu, uzwi muri Afurika. Turagushimira guhitamo u Rwanda, ukaba ugiye kurumaramo iminsi icyenda.” Perezida Kagame kan