Muri “BUGESERA DISABILITY SPORTS DAY” hazamurikwa ibyagezweho muri siporo harimo amagare mashya ya Wheelchair Basket

Kuri uwo munsi hazamurikwa amagare 6 ya Wheelchair Basket yatumijwe mu Bushinwa

Ubuyobozi bw’Ishyirahamwe ry’Imikino y’abafite ubumuga mu Karere ka Bugesera (BDSA) bwateguye umunsi wahariwe siporo y’abafite ubumuga wiswe “BUGESERA DISABILITY SPORTS DAY”.

Iki kigorwa kizaba ku wa Gatanu tariki ya 28 Mutarama 2022 muri Sitade y’Akarere ka Bugesera guhera saa tatu, aho bimwe mu bikorwa bizamurikwa harimo amagare atandatu yatumijwe mu Bushinwa azakoreshwa mu mukino wa Basketball ku bafite ubumuga (Wheelchair Basketball).

Ndamyumugabe Emmanuel, Umuyobozi w’Ishyirahamwe ry’Imikino y’abafite ubumuga mu Karere ka Bugesera (BDSA) yatangarije ikinyamakuru IMPAMBA.COM ko kuri uwo munsi bizaba ari umwanya mwiza  wo kwerekana ibikoresho bafite bya siporo nk’itapi igezweho yo gukiniraho, amagare, n’ibikombe ikipe ya Bugesera imaze kwegukana.

Nyuma y’ikiganiro n’abanyamakuru, aho abanyamakuru bazamurikirwa ibyagezweho muri siporo mu Karere ka Bugesera hazabaho gukina umukino wa Wheelchair Basket abakinnyi bicaye mu magare mashya.

Insanganyamatsiko y’uwo munsi gira iti “Uruhare rw’Akareremu iterambere ry’abantu bafite ubumuga binyuze muri siporo”.

Kugeza ubu ikipe ya Bugesera y’abagore ya Sitting Volleyball ni yo ya mbere mu kwegukana ibikombe byinshi.

 

Leave a Reply

Your email address will not be published. Required fields are marked *

Scroll Up