PIONER CONTRACTORS Ltd ifite intego yo kugabanya ikigero cy’ubushomeri mu Rwanda

Pioner Contractors Ltd ni kampani izwi mu bikorwa by’ubwubatsi

Kampani yitwa “Pioner Contractors Ltd” izwi cyane mu bikorwa by’ubwubatsi yiyemeje guha akazi abantu benshi mu Rwanda mu rwego rwo kugabanya umubare w’abashomeri.

Iyamuremye Jean Damascene, umuyobozi wa  “Pioner Contractors Ltd” yatangarije ikinyamakuru impamba.com ko ibikorwa bye yabitangiriye muri Kenya, ariko nyuma abikomereza mu Rwanda mu rwego guhangana n’ikibazo cy’ubushomeri, yagize ati “intego yacu ya mbere ni ukugabanya ikigero cy’ubushomeri mu Gihugu hashingiwe ku nyigo twakoze ku mitere y’akazi mu Rwanda”.

Iyi kampani ikoresha abakozi 300 barimo 200 bahoraho n’abandi ijana badahoraho.

PIONER CONTRACTORS Ltd ifite uruganda ruri mu Karere ka Bugesera rukora za Ferabeto (Fér en Béton), nyuma yo kubaka urwo ruganda hari abakozi bahakoze bibafasha kumenyekana babona akazi ahandi bahembwa amafaranga arenze ayo bari basanzwe bahembwa nk’uko byemezwa na Iyamuremye Jean Damascene umuyobozi w’iyi Kampani.

Iyamuremye atangaza ko muri Kenya aho yahereye ibikorwa bye ubu afiteyo abakozi 80.

Iyamuremye Jean Damascene, umuyobozi wa “Pioner Contractors Ltd”

Uyu rwiyemezamirimo nta koresha Abanyarwanda gusa kuko mu batekinisiye be harimo: Abanyakenya, Abagande n’Abahinde.

PIONER CONTROCTORS Ltd abakozi bayo bishyurirwa amafaranga y’ubwishingizi, ndetse bakaba bahembwa binyuze kuri Banki kandi telefone zabo zikaba zarahujwe n’ikoranabuhanga (Mobile Money Banking) aho bashobora kubikuza bitabaye ngombwa ko bajya kuri banki.

Ibyo bigakorwa kuko iyo abanegihugu bateye imbere n’Igihugu gitera imbere.

Ikinyamakuru impamba.com cyabajije Iyamuremye uburyo bakemura ibibazo bishobora kuvuka mu bakozi ba “PIONER CONTRACTORS LTD” asubiza ko babitekerejeho, aho umukozi ufite ikibazo runaka agitanga binyuze mu makipe yabo kuko hari umuntu ubishinzwe, ndetse n’umuntu ufite igitekerezo adashaka ko bamenya ko ari we wagitanze bashyizeho Agasanduku k’ibitekerezo mu rwego rwo korohereza buri mukozi.

Iyamuremye Jean Damascene igitekerezo cyo kuba rwiyemezamirimo yakigize muri 2007, atangira gukora neza muri 2009 ahereye muri Kenya.

PIONER CONTROCTORS Ltd ikora ibikorwa by’ubwubatsi n’ibindi byinshi ikinyamakuru IMPAMBA kizagarukaho mu bihe bitandukanye.

Amafoto agaragaza bimwe mu bikorwa bya PIONER CONTRACTORS Ltd 

5 Comments

  • Kazungu Eric

    Ko mutaduhaye nimero y’uburyo twabona banyiriruganda, amafoto make mbonye nuko ururuganda rwihagije kubikoresho bitunganya ibyuma

  • Idrissa Nsengimana

    Iwacu i Rubavu muzatwegereze uru ruganda dufute iterambere ryihuse dukeneye rwose ko ibi byuma mubitwegereza.

  • Gafaranga Jean Paul

    barwiyemezamirimo nkabangaba nibo dukeneye, batekereza kukibazo cy’ubushomeri muri iki gihe kitoroheye abatari bake

  • Gahamanyi Anicet

    Iyi nkuru ifite ibisobanuro bike, none se uyu muyobozi niba afite gahunda yo kugabanya ubushomeri numva abakozi 300 badahagije gahunda yo kongera umubare ni iyihe? Mutubwire kuko abakeneye akazi turi benshi cyane.

Leave a Reply

Your email address will not be published. Required fields are marked *

Scroll Up