Uwarozwe iyo ahuye na muganga Sibomana ntaba agipfuye

Umuvuzi Sibomana Jean Bosco

Sibomana Jean Bosco ufite ivuriro rya gakondo i Nyabugogo rizwi ku izina rya “African Cultural Medicine”, avuga ko asanzwe avura abarozwe uburozi bw’ubugaburano ndetse akavura n’ingaruka ziterwa n’uburozi akoresheje icyatsi cyitwa “Ikirogora”.

Ikirogora ni ikimera umuvuzi Sibomana yifashisha

Sibomana yatangarije ikinyamakuru impamba.com ko afite umuti uvura amarozi bagaburiye abantu ku buryo mu masaha abiri gusa umurwayi aba akize, yagize ati “mu masaha abiri mba namurukije nta kibazo afite cyatuma apfa”.

Ni gute wamenya ko wariye uburozi?

Uyu muvuzi wa gakondo avuga ko kugira ngo umenye ko wariye uburozi akenshi ari igihe wumva urwaye, ariko wajya kwa muganga bakabura indwara kandi wumva ufite intege nke, kumva mu ngingo nta mbaraga kandi wumva ufite isereri iyo ugifatwa, naho ku muntu umaze iminsi agaburiwe uburozi arangwa no gucira ibintu birenduka, akunda kugira ibinya no kugira umwuka muke, ati “byagaragaye ko uburozi iyo ubutindanye bukubyarira urupfu, uwo uburozi bwagaragayeho agomba kugana muganga Bosco umuvuzi wa gakondo wabigize umwuga”.

Sibomana arashaka guhinga Ikirogora kuko gifasha uwarozwe ndetse kikaba n’ikiribwa

Sibomana Jean Bosco avuga ko Ikirogora ari ingenzi ku muntu wavuwe uburozi bw’ubugaburano kuko gifasha mu gusukura amaraso ku bafite “infection’ mu maraso barozwe kuko uburozi bugira ingaruka, gihangana n’uburozi umubiri ukongera ugakora neza.

Kubera ko yamenye akamaro k’Ikirogora, Sibomana avuga ko agiye guhinga hegitari imwe yacyo ati “gifasha gukiza kwa kuzahara guterwa n’uburozi”.

Yakomeje asobanura ibyiza by’Ikirogora ati “ni umuti kikaba n’imboga kiri mu bihingwa by’inyongeramirire”.

Ikirogora avuga ko na kera cyifashishwaga kuko gifasha abarwayi ba Diabete cyangwa abantu bahorana umunaniro n’isereri.

Sibomana aratangaza ko ikigo cye gifite intego yo guhangana n’indwara zikomeye, ati “African Cultural Medicine igiye guhangana n’indwara zibasiye abatuye Isi zikomeje kugenda ziburirwa igisubizo, bizakorwa mu guhinga imiti itandukanye izahangana n’izo ndwara nka Asima, Bronchute, Igifu, Amara, Umwijima n’inzoka cyane cyane Amibe”.

 

Leave a Reply

Your email address will not be published. Required fields are marked *

Scroll Up