Bugesera: Ndamyumugabe yamurikiye ubuyobozi igikombe ikipe ya Sitting Volleyball yegukanye mu mikino y’Umunsi w’Intwari

Ndamyumugabe imbere ya bamwe mu bayobozi mu Karere ka Bugesera abamurikira igikombe ikipe yabo yegukanye

Ndamyumugabe Emmanuel, Umuyobozi w’Ishyirahamwe ry’Imikino y’abafite ubumuga mu Karere ka Bugesera (BDSA) akaba n’umutoza wa Sitball na Sitting Volleyball yamurikiye Imanishimwe Yvette, Visi Meya w’Akarere ka Bugesera ushinzwe imibereho myiza, igikombe ikipe y’abakobwa ya Sitting Volleyball yegukanye mu mikino y’umunsi mukuru w’Intwari yabayaye mu mpera z’icyumweru kuri Sitade Amahoro.

Ikipe ya Bugesera ku mukino wa nyuma (final) yatsinze Gicumbi ku maseti 3 kuri 1.

Bugesera nyuma yo gutwara igikombe cy’umunsi w’Intwari

Nyuma yo kumenya ko Ndamyumugabe yamurikiye ubuyobozi bwa Bugesera igikombe begukanye, ikinyamakuru impamba.com cyamubajje icyo Visi Meya ushinzwe imibereho myiza  yabasezeranyije asubiza ko yabemereye ko ubuyobozi buzakomeza kubaba hafi ati “yatwemereye kutuba hafi nk’uko basanzwe babikora ndetse rimwe na rimwe akajya aza kureba uko dukina”.

Ikipe y’abakobwa y’Akarere ka Bugesera imaze igihe yiharira ibikombe mu mikino y’abafite ubumuga, andi makipe aba akunze guhangana nayo ku mukino wa nyuma ni Gicumbi n’ikipe y’Itwari bakunze kwita iya Gasabo.

Ikipe y’abakobwa ya Bugesera y’umukino wa Sitting Volleyball
Ndamyumugabe na Visi Mey aushinzwe imibereho myiza bishimiye igikombe begukanye

Leave a Reply

Your email address will not be published. Required fields are marked *

Scroll Up