Muhirwa Prosper kuki ashaka kuyobora ikipe ya Rayon Sports nka Kampani ye?

Visi Perezida wa kabiri wa Rayon Sports, Muhirwa Prosper uvugwaho gushaka gusenya Rayon

Abakunzi b’ikipe ya Rayon sports barasaba Muhirwa Prosper gutanga umutekano,naho kurega muri RIB bazasesengura niba yubaka cyangwa asenya.

Ikipe ya Rayon Sports igira ibigwi byinshi,ikanagira abakunzi benshi,bityo bigahora byerekana intumbero yayo.Ubu rero muri iki gihe mu ikipe ya Rayon Sports haravugwamo ibibazo bitezwamo n’itsinda ryiyise abavuga rikijyana rigamije kunaniza ubuyobozi.

Munyakazi Sadate, Perezida wa Rayon Sports arashyirwaho iterabwoba aregwa muri RIB kugira ngo  hatazagira ubazwa amakosa yo gusenya ikipe abazwa. Itsinda riyobowe na Gacinya Denys,Gakwaya Olivier n’umucurabwenge wabo Muhirwa Prosper bashinze Rayon Sports Basketball Club kugira ngo basenye  Munyakazi Sadate.

Ibi byatangiye ikipe ya Rayon Sports ijya guhagararira u Rwanda mu marushanwa y’amakipe yabaye aya mbere iwayo mu gihugu cya Sudani.

Muhirwa Prosper yanze gutanga umusanzu ngo kuko itatojwe n’umutoza Masudi Djuma. Ikindi kivugwa ni uburyo Muhirwa Prosper yagiye abwira abakinnyi ngo ntibakine we azabahemba ku giti cye. Muhirwa Prosper yananije komite nyinshi kugeza n’ubwo yakubise Vital mu kabare kwa Fred amwita Umusedeli.

Muhirwa Prosper yongeye kugaragara mu bikorwa bigayitse afatirwa ibihano na CAF mu gihugu cy’u Burundi ashinjwa gutanga ruswa.

Ninde utazi Muhirwa Prosper akubita Itangishaka Bernard Alias King Umunyamabanga wa Rayon Sports bageze i Nyanza mu mukino wahuje Mukura na Rayon i Huye?

Ninde utazi Muhirwa agumura umukinnyi Kwizera Pierrot amubuza gukina kandi bigeze mu mahina y’igikombe cy’Afurika? Ibi byose byerekana ko kunaniza Munyakazi Sadate bidatangaje.

Kuba rero Muhirwa yarareze Munyakazi muri RIB akabicisha ku ma radiyo ntabwo aribyo bimuha ingufu zo gusenya ikipe.

Abakunzi b’ikipe ya Rayon sports twaganiriye bafatiye ku byandikwa mu binyamakuru n’ibivugirwa ku ma radiyo  basanga ntako Munyakzi adakora ngo yubake ikipe hashingiwe ku baterankunga yirirwa akorana nabo amasezerano y’ubufatanye. Muhirwa narekere aho kuko igihe kirageze ngo yibuke ko azarangiza ibihano  yahanwe na CAF umwaka utaha no kuba yari yabaye visi Perezida wa kabili ni ikosa ryakozwe.Abakunzi ba Rayon sports barifuza umutekano bagatsinda amakipe.

Leave a Reply

Your email address will not be published. Required fields are marked *

Scroll Up