Bugesera: Bamwe mu barokotse Jenoside b’i Nyamata baribaza aho bazerekeza muri ibi bihe by’imvura

 

Amwe mu mazu y’abarokotse Jenoside b’i Nyamata mu Bugesera ubu bibaza uko bazabaho muri ibi bihe by’imvura

 Bamwe mu barokotse Jenoside yakorewe Abatutsi mu mwaka wa 1994 bo mu Mudugudu wa Murambi mu Kagari ka Kayumba ho mu Murenge wa Nyamata mu Karere ka Bugesera, baribaza aho bazerekera muri iki gihe cy’imvura nyuma y’uko inzu zabo zamaze gusaza ndetse n’amabati agapfumuka.

Umwe mu batuye mu Mudugudu wa Murambi wavuganye n’ikinyamakuru impamba.com yagize ati “ni ukuri twabuze icyo gukora, kandi imvura yatangiye kugwa noneho turashira ni ukuri”.

Ubwo umunyamakuru yabazaga umubare w’inzu z’abarokotse Jenoside zimaze gusaza, yasubije ko ari nyinshi agereranyije zisaga 20.

Ikinyamakuru impamba.com cyabajije Richard Mutabazi, Umuyobozi w’Akarere ka Bugesera niba azi iki kibazo cy’abarokotse Jenoside, asubiza ko icyo kibazo ntawakibagejejeho ariko bazabasura kugira ngo harebwe icyakorwa, yagize ati “icyo kibazo ntibarakitugezaho, ubwo uduhaye amakuru tuzabasura turebe icyakorwa”.

Richard Mutabazi Umuyobozi w’Akarere ka Bugesera
Amazu yabo ni uko ateye

Leave a Reply

Your email address will not be published. Required fields are marked *

Scroll Up