Guverineri w’Intara y’Iburasirazuba yasabye abaturage guha agaciro ibikorerwa mu Rwanda

Guvereneri w’Intara y’iburasirazuba Mufulukye Fred

Guvereneri w’Intara y’iburasirazuba Mufulkye Fred arasaba abikorera kunoza ibyo bakora bishobora no kugurishwa ku masoko yo mu mahanga .

Guverineri Mufulkye aragira ati “ibikorerwa iwacu bimaze kuba byinshi ni intambwe dukwiriye kwishimira ko ari byinshi ariko tugomba kongera ubwiza bwabyo ,ubukungu bw’u Rwanda buhagaze neza ariko hari icyuho ku byo twohereza hanze y’igihugu,abikorera bakwiye gukora ibintu byiza cyane kuko birashoboka ko natwe ibyo dukora byakoherezwa mu mahanga birasaba ko hakongerwa agaciro ku bikorerwa iwacu”.

Guvereneri aranasaba abanyarwanda kugura ibikoresho bikorerwa mu Rwanda

Guverineri Mufulkye yagize ati “Abanyarwanda turasabasaba kugira urukundo rwo gukunda ibikorerwa iwacu bigahabwa agaciro kandi bikaba byinshi turasaba ko abanyarwanda bazakunda ibikorerwa iwacu bakabigura kandi abikorera twiteguye kubafasha kubinoza n’abaturage bacu barusheho kugura ibikorerwa iwacu”.

Abakrobate bo kwa Nyirangarama bashimishije abantu

Dufatanye Jean Claude umwe  mu rubyiruko rwitabiriye “mini EXPO” yabereye mu Karere ka Rwamagana mu ntara y’iburasirazuba  kuva tariki ya 13 kugeza tariki ya 22 Kanama 2019 yavuze ko bigiyemo kunoza ibyo bakora, ati “mu imurikagurisha twarebye ibikorwa by’abanyamahanga uburyo babikora tuhava twigiyemo guhanga udushya  nkanjye nasanzemo udushya twinshi, ikindi mbona ko ibyo nakoraga nkwiye kubinoza nkakora ibyiza kurusha uko nabikoraga”.

Umuyobozi w’urugaga rw’abikorera mu ntara y’iburasirazuba Ndungutse Jean Bosco  kuwa 22 Kanama 2019 ubwo yasozaga min Expo yaberaga  mu karere ka Rwamagana yanenze ko abikorera benshi usanga bakora ibikorwa bimwe aho gukora ibikorwa bitandukanye agasanga abikorera bakwiye guhanga udushya aho gukora ibikorwa bimwe bigatuma hari ibyo abaturage bakenera ntibabibone”.

Imurikagurisha ryaberaga i Rwamagana ryitabiriwe n’abagera kuri 222 bavuye mu bihugu 8 birimo u Rwanda ,umwaka ushize Min EXPO yaberaga i Nyagatare yitabiriwe n’abagera kuri 182.

Leave a Reply

Your email address will not be published. Required fields are marked *

Scroll Up