Handball: Coupe du Rwanda yagarutse, yitabirwa n’amakipe 6

Kapiteni wa UR Rukara ashyikirizwa igikombe

Irushanwa rya Handball rytwa “Coupe du Rwanda” ryari ryarahagaze, ryongeye gukinwa kuri iki Cyumweru tariki ya 4 Kanama 2019, muri Sitade Amahoro i Remera ryitabirwa n’amakipe 6.

Mu bagabo ikipe yatwaye igikombe ni Police naho mu bagore gitwarwa na U R Rukara.

Ikipe yabaye iya kabiri mu bagabo ni College Inyemeramihigo, iya gatatu iba Nyakabanda naho iya kane ni Blue Tigers yari yiganjemo abakinnye kera umukino wa Handball.

Mu bagore ikipe ya kabiri yabaye Masters Women Handball Club yari igizwe n’abakinnyi bamamaye muri uyu mukino wiganje mu bigo by’amashuri.

Ngarambe Jean Paul, Umunyamabanga Mukuru w’Ishyirahamwe rya Handball mu Rwanda (FERWAHAND) yavuze ko irushanwa rya “Coupe du Rwanda” ryigeze guhagarara ku cyifuzo cy’abanyamuryango kuko kuri buri munsi mukuru waberaga mu gihugu bateguraga amarushanwa bituma basaba ko amwe akurwamo kuko yaberaga umutwaro abanyamuryango kandi “Coupe du Rwanda” yabaga mu kwezi kwa cumi na kabiri nta banyeshuri bahari.

Coupe du Rwanda ije isimbura irushanwa ryahuzaga amakipe ane ya mbere muri shampiyona bita “CARE DAS” kuko n’imikinire ya shampiyona yamaze guhinduka.

Ngarambe avuga ko mbere bakinaga shampiyona bikarangira hamenyekanye iya mbere, ariko ubu byahindutse ikinirwa mu matsinda (League) aho mu itsinda ry’Iburasirazuba harimo amakipe abiri ya mbere no mu itsinda ryo mu Ntara y’Uburengerazuba harimo amakipe abiri, ari na yo yahuye mu mikino ihuza amakipe ane ya mbere (Play off), birangira hamenyekanye uko akurikirana.

Ngarambe François Xavier, umutoza w’ikipe y’abakobwa ya UR Rukara yatangarije ikinyamakuru impamba.com irushanwa rya “Coupe du Rwanda” ritabaye ryiza cyane kuko haje amakipe make, ati “iri rushanwa nubwo turitwaye ntabwo ryabaye ryiza cyane kuko habonetsemo amakipe  make cyane cyane ku ruhande rw’abakobwa, n’amakipe twari twiteguye guhura nayo ntabwo yabonetse gusa gutwara igikombe byadushimishije”.

CPL Duteteriwacu Norbert kapiteni wa Police Handball Club

CPL Duteteriwacu Norbert kapiteni wa Police Handball Club guhera 2019 yabwiye ikinyamakuru impamba.com ko gutsinda babikesha gukora imyitozo kuko hari imikino bitegura izabera hanze y’Igihugu ndetse no kuba ubuyobozi bubashyigikiye.

CPL Duteteriwacu yavuze ibanga bakoresha ati “ni uko tugira abayobozi badufasha kuri buri kintu dukeneye natwe tukitanga mu bushobozi bwose tuba dufite kuko nta kintu na kimwe tuba twabuze”.

Abagacishijeho muri Handball bahura na Police
Ibikombe byahataniwe

Leave a Reply

Your email address will not be published. Required fields are marked *

Scroll Up