Impamba y’uyu munsi: Kunanirwa kwihangana ni ugutsindwa intambara y’ubuzima

Ghandi intwari y’u Buhinde

Impamba y’uyu munsi twabateguriye, iravuga ku bucukumbuzi twakoze bujyanye n’ ibitekerezo by’ubuhanga bya bamwe bagiye baba indashyikirwa mu gutekereza no gukora.

Hari abahanga, intwari babayeho kuri iyi si dutuye bakaba baramenyekanye ku buvumbuzi bakoze, mu magambo y’ubuhanga bavuze, mu ntambara barwanye ku miyoborere myiza n’ibindi bitandukanye bakoze bikaba bitazibagirana mu mateka

Dore amwe mu magambo yavuzwe na “Mahatma Ghandi” (intwari yo mu gihugu cy’u Buhinde) yabereye abatuye isi urwibutso rukomeye kugeza n’uyu munsi.

Amwe mu magambo Ghandi yavuze akwiriye kukubera impamba

Ijisho riramutse rihorewe irindi jisho, byarangira abatuye isi bose ari impumyi.

Umunyantege nke ntashobora kubabarira, imbabazi ni umwihariko w’ abanyembaraga.

Kunanirwa kwihangana ni ko gutsindwa intambara mubuzima bwawe bwa buri munsi.

Gukorana ubucuruzi ubunyangamugayo biragoye ariko birashoboka.

Imana ntigira idini.

Jya ubaho nk’uzapfa ejo, gusa wige nk’uzabaho iteka ryose.

Icyo utekereza ni cyo uba.

Niteguye gupfa ariko nta mpamvu yatuma nitegura kwica.

Ushobora kutamenya umusaruro uzava mu byo ukora, ariko nutagira icyo ukora, nta musaruro uzigera ubona.

Ejo hazaza hashingira ku cyo ukora none.

Leave a Reply

Your email address will not be published. Required fields are marked *

Scroll Up