Kuri uyu wa Gatanu tariki ya 19 Mata 2019 ni bwo Abanyarwanda batuye ahitwa DFW (Dallas–Fort Worth) muri Leta ya Texas muri America bazibuka ku nshuro ya 25 Jenoside yakorwe Abatutsi.
Nk’uko bigaragara ku kirango cy’iryo joro ryo kwibuka ni uko iki gikorwa cyateguwe n’Umuryango w’abacitse ku icumu rya Jenoside yakorewe Abatutsi mu Rwanda batuye muri DFW. Iri joro ryo kwibuka abavandimwe, inshuti n’imiryango yazimye mu gihe cya Jenoside yakorewe Abatutsi muri 1994, rizatangira saa kumi n’ebyiri z’umugoroba kugeza saa tanu n’igice z’ijoro (11:30 PM) rikazabera ahitwa Barbara Dance Studio.