Kamonyi: Abana 337 batewe inda

Kayitesi Alice Meya w’Akarere ka Kamonyi

Byatangajwe mu bukangurambaga bwo kurwanya ihohoterwa rishingiye ku gitsina bwakozwe mu Karere ka Kamonyi. Muri aka karere habaruwe abana 337 bari munsi y’imyaka 18 babatewe inda hagati ya 2017 na 2018.

Umuyobozi w’Akarere ka Kamonyi Alice Kayitesi avuga ko hari n’abandi barengeje imyaka y’ubukure bagera kuri 39 bo basambanyijwe ku ngufu mu mezi atandatu ashize.

Avuga kandi ko abantu 40 ari bo bahamwe n’ibi byaha ubu bakaba barahawe ibihano.

Mu bateye inda bariya bana ngo harimo n’abafitanye na bo isano ya bugufi.

Mubagekazi, afite imyaka 17 ubu, avuga ko yagambaniwe n’inshuti ye agasambanywa agasama inda ndetse iwabo bakamubwira ko nabyara agomba guhita ajyana umwana kwa se.

Mugabekazi ubu yifuza ko yahabwa ubutabera.

Ingabire Eugenie ushinzwe kurwanya ihohoterwa mu muryango itegamiye kuri Leta wa OXFAM yabwiye abaturage ko bakwiye gutinyuka bakavuga kandi bakamagana ihohoterwa rishingiye ku gitsina.

Ibi ngo ni uko hari ikibazo cyo guceceka no guhishira abakoze n’abakorewe iki cyaha nk’uko ikinyamakuru umuseke kibitangaa.

Muri ubu bukangurambaga, Urwego rw’Ubugenzacyaha (RIB) rwagaragaje ko mu byaha byinshi byibasira abaturage byakozwe umwaka ushize, mu Ntara y’Amajyepfo RIB yakiriye ibigera ku 1294 byiganjemo; gusambanya abana, gikuramo inda no  gukubita no gukomeretsa.

Leave a Reply

Your email address will not be published. Required fields are marked *

Scroll Up