Rulindo: Ishuri ry’Ubumenyi Ngiro ryaguze ibikoresho biruta ubwinshi abana baje kuryigamo

Muri INSTITUT BAPTISTE DE BUBERUKA (IBB_TVET) umubare w’abana wari wari witezwe ntiwabonetse bikaba bigiye kuzatuma bimwe mu bikoresho byaguzwe bipfa ubusa

Ishuri ry’Ubumenyi ngiro rya “Institut Baptiste de Buberuka (IBB) riri mu Karere ka Rulindo mu Murenge wa Base ryaguze ibikoresho byinshi mbere y’uko umwaka w’amashuri utangira, ariko ubuyobozi butungurwa no kubona haje abanyeshuri bake hagereranyijwe n’abari bitezwe.

Umwarimu wigisha muri “Institut Baptiste de Buberuka (IBB) wanze ko amazina ye atangazwa, mu kiganiro yagiranye n’ikinyamakuru impamba.com yagize, ati “Ku ruhande rwa IBB_TVET itangira ry’amashuri ryagenze neza ndetse abarimu bose twitabiriye akazi, ikindi ni uko ibikoresho bikenerwa mu myigire n’imyigishirize byaguzwe mbere y’uko abana batangira, abana nabo bakaba bitabiriye ku rwego rushimishije, ubu amasomo ari kwigishwa neza nta kibazo, gusa habonetse abandi bana byaba ari akarusho ugereranyije n’ibikoresho ubuyobozi bwaguze.”

Abana b’abanyeshuri biga amasomo y’ubumenyi ngiro

Pastor MUYUMBE RUGABIRWA Alexis uyobara iri ishuri ntiyashoboye kuboneka ku umurongo wa telefoni ubwo ikinyamakuru impamba.com cyageragezaga kumuhamagara ngo kimubaze kuri iki kibazo cy’abana bagabanutse muri iri shuri ku buryo hari ibikoresho byaguzwe bitazabona ababikoresha, ariko ntiyashobora kuboneka.

Iri shuri rya IBB-TVET riri mu Murenge wa Base rifite amashami y’ubumenyi ngiro nka: ACCOUNTING (Level 3,4 &5), TOURISM (Level 3,4 &5), COMPUTER SYSTEM TECHNOLOGY (LEVEL3 ), SOFTWARE DEVELOPMENT (LEVEL 4,5) , AUTOMOBILE ENGINE TECHNOLOGY (Level 3) na AUTOMOTIVE TRANSMISSION na AUTOMOTIVE SYSTEM CONTROL (Level 4,5.

 

Leave a Reply

Your email address will not be published. Required fields are marked *

Scroll Up