Iburasirazuba:Hibutswe abahoze ari abakozi ba Perefegitura ya Kibungo

Abakozi b’icyahoze ari Perefegitura ya Kibungo na Superefegitura bibutswe

Ku biro by’Intara y’Iburasirazuba, i Rwamagana  habereye umuhango wo kwibuka abahoze ari abakozi ba Perefegitura  n’ama superefegitura byahujwe bikaba Intara y’Iburasirazuba.

Mu ijambo  Ruburika Jean Pierre wavuze mu izina ry’imiryango y’abari abakozi  yashimiye ubuyobozi bw’intara bubafasha kwibuka ababo, ati “turashimira ubuyobozi bw’Intara y’Iburasirazuba uburyo badufasha kwibuka abacu bishwe, kudufata mu mugongo bituma tugira imbaraga kandi tukagira icyizere ,uretse kwibuka ariko hari n’abasigaye bafashijwe bubakirwa inzu”.

Mu ijambo rya Guverineri w’Intara y’Iburasirazuba Mufulkye Fred yasabye abayobozi guharanira icyateza imbere abaturage agira ati “uyu munsi turibuka abari abakozi bagenzi bacu bishwe bahaga abaturage serivisi ariko turibuka n’amateka mabi y’abayobozi babi babibye urwango mu baturage twebwe tugomba kuba abayobozi bafasha abaturage mu iterambere,uyu munsi mu gihugu cyacu turi mu rugamba rw’iterambere ry’igihugu cyacu”.

Minisitiri w’ubutegetsi bw’igihugu wari umushyitsi bw’igihugu nawe yasabye ko abayobozi bashyira imbere inyungu z’umuturage, ati “ndasaba abayobozi b’inzego z’ibanze gushyira imbere inyungu z’abaturage bagakemura ibibazo byabo kandi bagafasha umuturage kugera ku iterambere ,ndasaba n’abaturage batuye muri iyi ntara guharanira kuba ku isonga muri aka karere turimo no ku isi hose kubera ko ubunyarwanda  n’imiyoborere myiza ni ubukire dufite ayo mahirwe dufite ,tugendeye ku byo tumaze kugeraho tugomba gufata ingamba zo gukomeza kwiyubaka”.

Abakozi bibutswe  kuri uyu wa Kane tariki ya 7 Kamena 2018  bishwe ni 19 bakoreraga Perefegitura ya Kibungo n’ama superefegitura ya Kanazi,Rusumo ,Ngarama na Rwamagana.

Leave a Reply

Your email address will not be published. Required fields are marked *

Scroll Up