Abakozi ba Sina Gerard bakoze impanuka yaguyemo umwe nyuma yo kuva mu birori

Bamwe mu ba Acrobates bo kwa Sina nyuma yo kuva mu birori bakozi impanuka

Kuri uyu wa Gatandatu tariki ya 21 Mata 2018 ni bwo mu Karere ka Rulindo habereye igikorwa cyo gutangiza ikipe y’Imikino mu Karere ka Rulindo ndetse n’iya Sina Gérard, ibi birori byabereye ku musozi wa Tare, ariko ibi byishimo ntibyakomeje kuko ubwo imodoka yari itwaye aba “Acrobate”, ababyinnyi n’abakozi ba Sina Gerard bakoze impanuka bagarutse bagiye kugera ku muhanda wa Kaburimbo ujya ku cyicaro cya Entreprise Urwibutso.

Bamwe mu babyinnyi bo kwa Nyirangaramba babyiniye abitabiriye umuhango wo gutangiza Athletisme muri Rulindo, ariko nyuma baza guhura n’impanuka

Imodoka, ubwo yari igiye kugera kuri Kaburimbo yacitse Feri irimbirandura hakomereka abagera kuri 12 bahise bajyanwa ku bitaro, ariko amakuru ageze ku Kinyamakuru impamba.com ni uko kuri uyu mugoroba umwe yahise yitaba Imana undi akaba arembye bikomeye n’abandi bakaba bakomeje kwitabwaho n’abaganga.

Guverineri w’Intara y’Amajyaruguru, Umuyobozi w’Ingabo, Sina Gerard n’abandi bahise bahagarika izindi gahunda bari bafite bajya gukurikirana uburyo abakoze impanuka bakwitabwaho.

Ni uku bamwe mu ba Acrobate biyeretse

Kuri uyu wa Gatandatu habaye igikorwa cyo gusiganwa ku maguru ahareshya na kirometero 10 mu bakobwa no mu bahungu, gukora siporo yo kwishimisha kuri bose, imbyino za Kinyarwanda z’Itorero ryo kwa Nyirangarama hamwe n’umukino wa Acrobatie werekanywe n’abitoreza kwa Sina Gerard ariko benshi byarangiye bakomerekeye muri iyo mpanuka yatewe n’imodoka yabuze feri nk’uko byatangajwe n’abari bahibereye.

Iyi siporo yari yitabiriwe n’abantu biganjemo urubyiruko

Leave a Reply

Your email address will not be published. Required fields are marked *

Scroll Up